ಸಂಶೋಧನೆ ವಿಮರ್ಶೆ ಚಿಂತನೆ ಪಂದ್
ಹಳ್ಳಿ ಪೇಟೆದಕುಲು ಕಲ್ತೆರ್ ಮಾನಾದಿಗೆದ ಬರವು
ತೆರಿದ್ ಲಾ ತೆರಿಯಂದಿ ಲೆಕ್ಕ ಮಲ್ತ್ ದ್
ಮಾರ್ಗೊಡೇ ದಕ್ಕುವೆರ್ ಕಜವು !!
ಪುಲ್ಯಕಾಂಡೆನೇ ಒರಿದಿನ,ಕುರಿದಿನ ಕಜವುದೊಟ್ಟುಗೆ
ವಾಕಿಂಗ್ ಪನೊಂದು ಬಂಗದ ನಡಪು
ಮೂಂಕುಗು ಕುಟ್ಟುನ ಈ ವಾಸನೆಗ್
ನಾಯಿ ಪುಚ್ಚೆದ ಬುಲಿಪು !!
ಸೂರ್ಯೆ ಕಂತ್ ನಗ
ಇಲ್ಲದುಳಯಿದ ಕಜವು ಒಟ್ಟುಗಾಪುಂಡು
ಬೊಳ್ಪಾನಗ ಬುಕೊರ್ಯನ ಬಿತ್ತಲ್ ಡ್
ಎದುರುಗು ತೋಜುಂಡು !!
ಓಣಿ ಒರಂಕುಡೆ ಒಲು ತೂಂಡಲಾ
ಕಜವು ಪಾಡಡೆ ಪಂನ್ಪಿನ ಸೂಚನೆ
ನಾಯಿ ಬೀಲ ಡೊಂಕು ಪಂಡಿಲೆಕ್ಕ
ಬೋಲ್ಪನಾಗ ಕಜವುದ ರಾಶಿ ಅಂಚನೆ !!
ಬದಲಾವಣೆದ ಸಾದಿ ಪತ್ತೊಡು
ಪತ್ತ್ ಮಂದೆ ಸೇರೊಂದು
ಊರು ಕೇರಿನ್ ಎಡ್ಡೇ ದೀವೊನೋಡು
ಕಜವು ಚೆಲ್ಲಂದಿಲೆಕ್ಕ ತೂವೊಂದು !!
ಕೆಬಿ ಕೊರುದು ಕೇನ್ಲೆ ಮಾನಿಲೆ
ಮನಸ್ ಒಂತೆ ಬದಲಾವೋಡು
ಇಲ್ಲ ಸುತ್ತ ಮುತ್ತ ಪಚ್ಚೆ ಪಜಿರ್ ಬುಳೆದ್
ರಂಗ್ ಡ್ ಊರೇ ರೈಸೊಡು ...ವಿ ಕೆ ಕಡಬ
0 comments :
Post a Comment