Wednesday, March 25, 2015

ಬರೆತೆ ನಿನ್ನ ಪುದರ್‍ನ್
ಗಡಾಯಿ ಕಲ್ಲ್ ದ ಮಿತ್ತ್  ಡ್
ಕಮ್ಮೆನದ ಗಾಳಿ ಇಯೆ
ಸೂರ್ಯೆ ಮುರ್ಕುನ ಪೊರ್ತುಡು || 1 ||
ಅರಮನೆ ದುಳಯಿ ಕುಲ್ಲಿನ ಪೊರ್ತು
ಆ ರಾತ್ರೆದ ಕನೊಟು
ನೆಂಪೊಂಜೆ ತೆಲಿತ್ ನಲಿತ್‍ನವು
ಪೊರ್ಲುದ ಮೂಜಿ ದಿನೊಟು || 2|| 
ಪಚ್ಚೆ ಪಜಿರ್‍ದ ಉಂತಿನ ಪನಿನೀರ್
ನಿನ್ನ ಪಜ್ಜೆಗ್ ಮುತ್ತಾಂಡ್
ನಿನ್ನ ಪೊರ್ಲುದ ತೆಲಿಕೆಗ್
ಎನ್ನುಡಲ್ ಶಾಂತಿದ ಕಡಲಾಂಡ್ || 3 ||
ನಿನ್ನ ಕಣ್ಣ ದೃಷ್ಠಿ
ಸಾದಿಗ್ ಬೊಪ್ಪಾದ್ ತೊಜುಂಡು
ಬಾನದಂಚಿ ತರೆದೇರ್ ತೂಲ
ನಿನ್ನ ಪೊರ್ಲುಗು ಬೊಳ್ಳಿಲ್  ಮಿನುಕು೦ಡು|| 4||
ಒರಿತೊನುವೆ ತುಳುವ ಮಣ್ಣ್ ದ ಸಾರ
ನಿನ್ನ ಮೋಕೆ ಎನ್ನುಡಲ ಬಲೊಕು
ಹಿರಿಯಕ್ಲು ಪಂಡಿ ಪಾತೆರೊಡು
ಪುದರ್ ಕೊನಲ ಪುಟ್ಟಿ ಕುಲೊಕು || 5 ||
ಮೂಡಯಿ ಪಡ್ಡಾಯಿ, ತೆನ್ಕಾಯಿ ಬಡ್ಕಾಯಿಡ್
ನಿನ್ನ ಪುದರೇ ಒರಿಯೊಡು
ಉಡಲ್ ದಿಂಜಿಂದ್ ಇತ್ತೆ
ತಾಟಿ ಬೊಟ್ಟುದು ನಲಿಪೊಡು || 6 ||

0 comments :

Post a Comment